تنويه ... احترامى الشديد لكل أخت
محترمة فأنا لم أقصد التعميم فى
كلماتى ولكنى أعترض فقط على بعض
المظاهر التى لا تليق فى كثير من النساء .
شروم بروم عالم نسوان
شروم بروم عالم نسوان
شروم بروم أشكال وألوان
شروم بروم جابولنا جنان
وتعالوا نشوف دى واحدة ماشية بتتمختر
كعب عالى وشعر عيرة يا جمال فستانها
تقولش بنت عشرين بتتغندر
اتكعبلت وقع طقم سنانها
اتقلبت فرحتها لأحزان
شروم بروم عالم نسوان
شروم بروم أشكال وألوان
******
ودى بنت جميلة سبحان من صور
شياكة ودلال رقة وجمال
مبهورة بنفسها مغرورة بتتكبر
عينى عليك يا بن الحلال
تعيش حياتك من غير حنان
شروم بروم عالم نسوان
شروم بروم أشكال وألوان
******
ودى واحدة راكبة الأتوبيس فى الزحمة
متعطرة ومتمكيجة ....وعايزة توصل بالسلامة
أل يعنى مش عارفة انه طبيخ وسلطة ولحمة
وناس رخمة وأنفاس وحالة أخر ندامة
والجواب باين من العنوان
شروم بروم عالم نسوان
شروم بروم أشكال وألوان
******
أه م المصايف واللى بيحصل على الشط
اللى هايمه واللى نايمه واللى عايمه
واتفرج يا سلام اشي وز واشي بط
ولا بيعرفوا عيبه ولا يخافوا لايمه
وشباب متحير ومتلخبط
يلطف بينا الرحمن
شروم بروم عالم نسوان
شروم بروم أشكال وألوان
******
والبنت دى وقت الخطوبه
كانت هاديه رقيقه وحبوبه
ولما جات الطوبه فى المعطوبه
بقت زعابير أمشير وبرودة طوبه
وحرب نشبت فى ميدان
شروم بروم عالم نسوان
شروم بروم أشكال وألوان
*****
واه يا ساتر من الست دى
بتطلع أسرار بيتها لدي ودى
وشغالة غيبه ونميمه تاخد وتدي
ولا تسكت يوم ولا تهدي
وجوزها راجل غلبان
شروم بروم عالم نسوان
شروم بروم أشكال والوان
شروم بروم وادى حال النسوان
Falling hearts Here
10 التعليقات:
السلام عليكم
احم احم
انا هنا
اخبارك ايه يارب تكون بخير
تعرف بجد انا معاك
وبضم صوتى لصوتك
ربنا يهديهم يارب
ونقول
شروم بروم عالم نسوان
تحياتى
مساء الفل
انا جايا امسى عليك
شُرم بُرم عالم سكران ...
شُرم بُرم عالم حيران ...
ما بين رجاله ونسوان .
ومابينهم لا تتخير ...
و لا تتحير.
دي والله عالم آآآآآخر بوظان.
شرم برم عالم نسوان
شرم برم انا جيت يا فنان
شرم برم هقولك يا معذب النسوان
شرم برم واهدى لنروح فى التوهان
هههه يلا شوية تهيس على الماشى
كلماتك رائعه
تقبل تحياتى
ههههههههههههههههه
يا ابني الحق لم حاجتك و شوفلك اي مكان استخبى فيه اليومين دول ، علشان انا سمعت بان الشعر ده بدأ ينتشر و شكلها حتقلب ضلمه ، فخدلك ساتر احسن ..
لأ بس كويس انك عملت الاعتذار فوق ، لانه لو كانت تحت كانت اي واحده حتقرا الكلام ده ولا حتبص في حاجه بعد كده حتلاقي الكعوب اترفعت و ربنا يستر على الباقي .
جميلة جداااااااااااا
من الواقع والكلمات معبرة
والوزن كمان
تسلم أفكارك
تحياتي
شرم برم عالم خجلان ..
من رجاله قدرتهم على ربنا
لم تكن منصف كثيرا فهناك نساء أفظع مما ذكرت.
مساء الخيرات
اول زيارة
ومش هتكون الاخيرة ان شاء الله
سعدت بوجودى معاك هنا بجد بوست جميل قووى
ربنا يوفقك يارب
انا مددونه جديدة معاكم
اتمنا منك زيارة مدونتى
تحياتى
ريتاج
ازيك يا اجدع بياع كلام يافنان
كليمات رائعه وانا معاك فيها
بس مش الكل شروم بروم
الاغلبيه يعني
وتسلم يافنان علي طول متميز
ماشاء الله عليك
إرسال تعليق