ليه يا حبيبى تجرحنى
كنت تقولى وتنصحنى
كنت ارحمنى وصارحنى
ولا تزعل من بجد
هو عشان حبيتك
وبلهفة قلبى ناديتك
وبروحى اتمنيتك
وانت ليا تصد
دا أنا حبيتك بجنون
وكنت حياتى وكل الكون
من غير ما اعرف مين تكون
أو حتى يجينى الرد
كنتى الحلم اللى اتمنى
كنتى الفرحة اللى استنى
كنتى النار وكنتى الجنة
وكنتى الحب وكنتى الود
عشت معاكى أحلى ايامى
وف ضل هواكى لقيت احلامى
وصدقت معاكى ف كل كلامى
ومشيت على شوك الورد
ليه بدلتى الضحكة بدمعه
ليه طفيتى من عنيه اللمعه
ليه حرقتى أخر شمعة
واللى بنيته معاكى اتهد
هبعد بعيد وانساكى
وانسى احزانى معاكى
وادور تانى على ملاكى
اللى يوفى معايا الوعد
مدحت الصعيدى
Falling hearts Here
6 التعليقات:
ايه الكلام الجميل ده
الله ينور
تعرف لو سألت حد بالمشاعر اللي أنت وصفتها دي هيجاوب ويقول
" من غير ليه "
الكلمات بجد حلوة ومعبرة
دمت مبدع
كلمات فى قمة الروعة تسلم ايدك
اسلوب جميل وحروف تدل على الاحساس
المرهف الراقى واصل اخى وربنا يوفقك
تقبل مرورى واحترامى واخلص تحيااااتى
متشكر يا جماعة على زوقكم
انتم نورتم المدونة والبوست
بتعليقكم
أرق تحياتى ليكم
مممممممممممم
انا جيت اهو
ازيك اخبارك ايه
متشكرة ليك مرورك لمدونتى
وان شاء الله يبقا التواصل
بس ياريت تلغى كلمة المرور
البوست جميل وكله شجن
كل كلمة بتعبر عن معنى اجمل
ربنا يديم عليك نعمة السعاده يارب
ويكرمك خير
ومنتظرة زياراتك عندى للبوست الجديد
دمت فى حفظ الرحمن
مودتى
ايناس
إرسال تعليق